Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinKeyzo Dohi (土肥 慶蔵, Dohi Keyzo?, 20 iyul 1866, Takefu[d], Fukui prefekturası – 6 noyabr 1931) – Yaponiya dermatoloqu və veneroloqu. Uzaq Şərqdə dermatologiyanın qabaqcıllarından biri olmaqla yanaşı,[1] Yaponiyada urologiyanın və sifilidologiyanın qabaqcılı olmuşdur.[2]
| Keyzo Dohi | |
|---|---|
| yap. 土肥慶蔵 | |
 | |
| Doğum tarixi | 20 iyul 1866 |
| Doğum yeri |
|
| Vəfat tarixi | 6 noyabr 1931 (65 yaşında) |
| İş yeri | |
| Təhsili | |
| Mükafatları |
 |
 Vikianbarda əlaqəli mediafayllar | |
Keyzo Dohi 1866-cı ildə Yaponiyanın Eçizen vilayətində (hazırda Fukui prefekturasının tərkib hissəsi) doğulmuşdur. 1890-cı ildə Tokio Universitetindən məzun olmuşdur.[2][3] O, əvvəlcə cərrah olmaq istəmiş və bu məqsədlə Almaniyanın Heydelberq Universitetinə daxil olmuşdur. Lakin daha sonra fikrini dəyişmiş və 1893-cü ildə Vyana Dermatologiya Məktəbinə daxil olaraq dermatoloq Morits Kapoşinin tələbəsi olmuşdur. O, burada iki il dermatologiya və urologiya üzrə təhsil almışdır. Dermatologiya haqqında ilk elmi məqaləsi 1896-cı ildə "Archiv für Dermatologie und Syphilis" jurnalında nəşr olunmuşdur. 1898-ci ildə Tokioya qayıtmışdır.[4]
Avropadan qayıtdıqdan sonra Tokio Universitetində köməkçi professor, 1898-ci ildə dermatologiya və sifilis üzrə professor təyin olunmuşdur. Tokio Universitetində dərs deməyə başlamış, dəri xəstəlikləri və sifilis haqqında mühazirələr vermişdir.[1] 1900-cü ilin dekabrında Yaponiya Dermatologiya Assosiasiyasının sələfi olan Dəri Xəstəlikləri Cəmiyyətinin prezidenti olmuş və 1901-ci ildə cəmiyyətin almanca olan elmi jurnalını nəşr etdirməyə başlamışdır. Yaponiyada dermatologiyanın inkişafına töhfə verən əsas şəxslərdən biri olmuşdur. Yeni dəri xəstəlikləri haqqında məlumatlar vermiş və yeni müalicə üsulları inkişaf etdirmişdir. 1905-ci ildə Yaponiya Zöhrəvi Xəstəliklərin Qarşısı Alınması Assosiasiyasının əsasını qoymuşdur. Əsas nəşrlərinə 1910-cu ildə nəşr olunmuş "Hifuka qaku" (hərf. "Dermatologiya") və 1921-ci ildə nəşr olunmuş "Sekay baydoku şi" (hərf. "Zöhrəvi xəstəliklərin dünya tarixi") daxildir.[3] 1926-cı ildə təqaüdə çıxmış və fəxri professor adı almışdır. 5 noyabr 1931-ci ildə ölmüşdür.[1]
Həkim olmaqla yanaşı Çin dilində şeirlər yazmış və "Qakuen" təxəllüsündən istifadə etmişdir.[1]
- ↑ 1 2 3 4 "Keizo Dohi, M.D. 1866-1931". Archives of Dermatology and Syphilology (ingiliscə). 25 (5): 940. 1 may 1932. doi:10.1001/archderm.1932.01450020970019. ISSN 0096-6029.
- ↑ 1 2 The Japan Biographical Encyclopedia & Who's Who. səh. 125
- ↑ 1 2 Kodansha Encyclopedia of Japan. səh. 126
- ↑ Holubar, K.; Schmidt, C.; Kokert, B. "From Plenck (d. 1807) to Dohi (d. 1931) and today: Austrian influence on Japanese dermatology". Journal of Dermatological Science (ingiliscə). 7 (2). aprel 1994: iii–v. doi:10.1016/0923-1811(94)90078-7. ISSN 0923-1811. PMID 8060911. İstifadə tarixi: 24 oktyabr 2025.
- Kodansha Encyclopedia of Japan (ingiliscə). II cild (Const–F). Tokio: Kodansha. 1983. səh. 126. ISBN 0-87011-622-3. İstifadə tarixi: 24 oktyabr 2025.
- The Japan Biographical Encyclopedia & Who's Who (ingiliscə) (II). Tokio: Rengo Press. 1961. səh. 125. İstifadə tarixi: 24 oktyabr 2025.