Klaus Aktoris

K.Aktoris Frankfurt-Maynda əczaçılıq və tibb üzrə ali təhsilini almışdır.^[1] Hans-Dieter Taubertin^[2] rəhbərliyi altında "Müxtəlif növ hormonal kontraseptivlərin yumurtalıq dövrünə təsiri" mövzusunda doktorluq dissertasiyasını tamamlamış və 1977-ci ildə tibb dərəcəsini almışdır. 1981-ci ildə Heydelberq Universitetində "Yağ hüceyrələrində adenilat siklazanın hormonal amillər və dərmanlar tərəfindən inhibə edilməsi" mövzusunda təbiət elmləri üzrə doktorluq dərəcəsini almışdır. 1981-1984-cü ilə qədər Aktoris Heydelberq Universitetinin Farmakologiya İnstitutunda Günter Şulsun rəhbərliyi altında çalışmış və 1983-cü ildə adenilat siklazanın hormonal tənzimlənməsində GTFazaların tənzimlənməsi və rolunun tədqiqi olan "Hormona həssas GTFazalar" mövzusunda dissertasiyasını tamamlamışdır.

K.Aktoris 1985-1989 və 1989-1991-ci ilə qədər müvafiq olaraq Gissen və Essendə dosent vəzifələrində çalışmışdır. 1991-ci ildə Saarland Universitetində^[3] professor vəzifəsinə keçmişdir. 1995-ci ildə Frayburq Universitetinin Eksperimental və Klinik Farmakologiya və Toksikologiya İnstitutunda I şöbə müdürü vəzifəsinə 57 namizəd arasından seçilərək bu vəzifəyə təyin edilmişdir.^[4]

K. Aktories-in işi bakterial protein toksinlərinin təsir mexanizmini anlamağımıza əhəmiyyətli dərəcədə töhfə vermişdir. Məsələn, 1986-cı ildə o və həmkarları botulinum toksini C2-nin ADP-ribosilləşmə yolu ilə aktinin polimer quruluşunu pozduğunu nümayiş etdirmişdilər.^[5] Clostridium difficile toksinləri A və B,^[6] E. coli ştammlarının^[7] sitotoksik nekrozlaşdırıcı faktor 1^[8] və Photorhabdus luminescens toksinləri^[9] da Rho GTPazalarının modifikasiyası yolu ilə sitoskeletini pozur.

2005-ci ildə dərc olunmuş icmal məqaləsində K.Aktories-in tədqiqatları daha ətraflı araşdırılır.^[10] Digər müəlliflərlə birlikdə Aktories Volfqanq Fort^[11] tərəfindən təsis edilmiş alman dilində nəşr olunan “Ümumi və Xüsusi Farmakologiya və Toksikologiya” (“Allgemeine und besondere Pharmakologie und Toxikologie”)^[12] kitabının redaktorudur.