Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinKyucutsu (弓術?, "oxçuluq sənəti") — Yaponiyanın hərbi döyüş sənətlərindən biri. Bu, yay (yap. 弓, yumi) ilə döyüş bacarığını ifadə etmişdir. Bu sənət feodal Yaponiyasında samuraylar tərəfindən tətbiq olunmuşdur.[1] Samuraylar daha çox katana ilə döyüşmə bacarıqları (kendzutsu) ilə tanınırdılar, lakin Yaponiyanın uzun tarixi dövrlərində kyucutsu daha mühüm bir bacarıq hesab edilmişdir. Kamakura dövrünün böyük hissəsi və Muromaçi dövrünə qədər (1185–1568-ci illər) yay professional döyüşçünün rəmzi olmuşdur. Həmin dövrdə döyüşçünün həyat tərzi "at və yay yolu" (弓馬の道, kyuba no mişi?) adlandırılmışdır.[2]
| Kyucutsu | |
|---|---|
| 弓術 | |
 | |
| Ümumi məlumatlar | |
| Mənşə ölkəsi | |
Kyucutsunun elmi yanaşma ilə öyrədildiyi ən erkən rəsmi məktəblərdən biri XIV əsrdə əsası qoyulmuş Oqasavara-ryu olmuşdur. Bu məktəbdə at üstündə onu tam sürətlə çapan zaman yaydan istifadə etmə (yabusame) təlimi də geniş tətbiq edilmişdir.[3]
Yay (yumi) qeyri-simmetrik quruluşa və çox böyük ölçülərə malik olmuşdur. Onun uzunluğu iki metrdən artıq olmuş, lakin digər yaylardan fərqli olaraq, dəstək hissəsi yayı bərabər bölməmiş, aşağı hissəni bir, yuxarı hissəni isə iki nisbətində ayırmışdır. Lər taxta və bambukun birləşməsindən hazırlanmışdır. Müxtəlif məqsədlər üçün fərqli ox ucluqları mövcud olmuşdur. Təlim prosesinə gündə min ox atmaq, həmçinin atışın müxtəlif mərhələlərinə və hər birinə uyğun psixoloji hazırlığa yönəlmiş ritualizasiya olunmuş texnikalar daxil olmuşdur. Bundan başqa, oxatan dəstələri üçün xüsusi taktiki üsullar da işlənib hazırlanmışdır.[3]
1543-cü ildə Yaponiyada fitilli arkebuza meydana çıxmış, qısa müddət sonra isə ölkədə onun yerli variantları (taneqasima) istehsal olunmağa başlamışdır. Nəticədə, kyucutsuya maraq azalmağa başlamışdır, çünki əsas silah kimi taneqaşima və nizə (yari) ön plana çıxmışdır. Zamanla kyucutsu müasir döyüş sənəti olan kyudo (弓道, kyu:do?, oxçuluq yolu) sənətinə çevrilmiş və bu ənənə müasir dövrdə də yaşamaqda davam etmişdir.[3]
- ↑ Clive Sinclaire. Samurai: The Weapons and Spirit of the Japanese Warrior. Lyons Press. 2004. ISBN 1-59228-720-4.
- ↑ Mol, Serge. Classical Fighting Arts of Japan: A Complete Guide to Koryū Jūjutsu. Tokyo, Japan: Kodansha International Ltd. 2001. 70. ISBN 4-7700-2619-6.
- ↑ 1 2 3 Draeger, Donn F., Smith, Robert William. Comprehensive Asian Fighting Arts. Tokyo, Japan: Kodansha International Ltd. 1980. 106–108. ISBN 0-87011-436-0.