Lola Cin Olbrayt (ing. Lola Jean Albright;; 20 iyul 1924[1] və ya 20 iyul 1925[2], Akron[d], Ohayo[1] – 23 mart 2017[1]) — ABŞ aktrisası və müğənnisi. O, xüsusilə "Peter Gunn" televiziya serialındakı Edie Hart rolu ilə tanınır.
| Lola Olbrayt | |
|---|---|
 | |
| Doğum tarixi | 20 iyul 1924[1] və ya 20 iyul 1925[2] |
| Doğum yeri | |
| Vəfat tarixi | 23 mart 2017[1] (91–92 yaşında) |
| Fəaliyyəti | model[d], müğənni, televiziya aktrisası, kino aktrisası |
| Fəaliyyət illəri | 1947–1984 |
| IMDb | ID0017030 |
 Vikianbarda əlaqəli mediafayllar | |
Lola Olbrayt 20 iyul 1924-cü ildə Ohayo ştatının Akron şəhərində anadan olmuşdur. Valideynləri Con Pol Olbrayt və Marion Harvey müğənni idilər. Gənc yaşlarından musiqiyə maraq göstərən Olbrayt 15 yaşında ikən WAKR radio stansiyasında müğənni kimi fəaliyyətə başlamışdır.[3] Daha sonra model olaraq kimi çalışmış və 1940-cı illərin ortalarında Hollivuda köçmüşdür.
Olbrayt 1947-ci ildə "The Unfinished Dance" filmi ilə kino karyerasına başlamışdır. 1949-cu ildə "Champion" filmində Kirk Duqlas ilə birlikdə rol alaraq diqqət çəkmişdir. 1950-ci illərdə "The Silver Whip" (1953) və "The Tender Trap" (1955) kimi filmlərdə də rol almışdır. Televiziyada isə "Peter Gunn" serialında Edie Hart rolunu canlandırmışdır. Bu obrazla o, 1959-cu ildə Dram Seriyasında Ən Yaxşı Yardımçı Aktrisa nominasiyasında Emmi mükafatına namizəd olmuşdur.[4][5]
Lola Olbrayt "Peter Gunn" serialında ifa etdiyi mahnılarla musiqi sahəsində də tanınmışdır. 1957-ci ildə "Lola Wants You" adlı albomunu, 1959-cu ildə isə Henry Mancini orkestri ilə birlikdə "Dreamsville" albomunu çıxarmışdır.[6]
Lola Olbrayt üç dəfə evlənmişdir. İlk evliliyi 1944-cü ildə radio aparıcısı Varren K. Dim ilə olmuş, lakin 1949-cu ildə boşanmışdır. 1952-ci ildə aktyor Cek Karson ilə evlənmiş və 1958-ci ildə ayrılmışdır. Son evliliyi isə 1961-ci ildə musiqiçi Bill Çadney ilə olmuş və 1975-ci ildə boşanmışdır. 2014-cü ildə Lola Olbrayt onurğa zədəsi almış və sağlamlığı pisləşmişdir. 23 mart 2017-ci ildə Kaliforniyanın Toluka Leyk şəhərində 92 yaşında vəfat etmişdir.[7]
- ↑ 1 2 3 4 5 6 Akron native Lola Albright, glamorous Hollywood actress, dies at age 92 (ing.). // Akron Beacon Journal Akron: 2017.
- ↑ 1 2 Library of Congress Authorities (ing.). Library of Congress.
- ↑ Shearer, Lloyd. "Lola Albright". Independent Star-News. Independent Star-News. 29 oktyabr 1961. 96–97. İstifadə tarixi: 4 oktyabr 2015 – Newspapers.com vasitəsilə.
- ↑ Aaker, Everett (2006). Encyclopedia of Early Television Crime Fighters. McFarland & Company, Inc. ISBN 978-0-7864-6409-8, pp. 6–8.
- ↑ Barnes, Mike. "Lola Albright, Sultry Actress in 'Peter Gunn' and Kirk Douglas' 'Champion' Dies at 92". The Hollywood Reporter. 24 mart 2017. İstifadə tarixi: 1 aprel 2017.
- ↑ bjstaff. "Akron native Lola Albright, glamorous Hollywood actress, dies at age 92". www.ohio.com (ingilis). İstifadə tarixi: 30 oktyabr 2017.
- ↑ Price, Mark J. "Akron native Lola Albright, glamorous Hollywood actress, dies at age 92". Akron Beacon Journal. 23 mart 2017. İstifadə tarixi: 1 aprel 2017.
- Lola Olbrayt — IMDb səhifəsi
- Lola Olbrayt TCM Movie Database-də
- Profile with 1924 year of birth, familysearch.org; accessed November 25, 2014.
- Lola Albright, Aveleyman.com; accessed September 2, 2017.