Marqaret "Meta" Klaudiya Brevurt və yaxud sadəcə Meta Brevurt (ing. Marguerite "Meta" Claudia Brevoort ; 8 noyabr 1825[1], Nyu-York, Nyu-York ştatı – 19 dekabr 1876[1], Dorkinq[d], Surrey) — Amerikalı qadın alpinist. O, XIX əsrdə qadınların bu idmanda rolunu gücləndirən və dövrünün sərt gender maneələrinə baxmayaraq, bir çox çətin zirvələri fəth edən cəsarətli alpinist kimi tanınıb.
| Meta Brevurt | |
|---|---|
 | |
| Doğum tarixi | 8 noyabr 1825[1] |
| Doğum yeri | |
| Vəfat tarixi | 19 dekabr 1876[1] (51 yaşında) |
| Vəfat yeri | |
| Dəfn yeri | |
| Fəaliyyəti | alpinist |
 Vikianbarda əlaqəli mediafayllar | |
Meta Brevurt 8 noyabr 1825-ci ildə Nyu-Yorkda varlı ailədə anadan olub. O, ilk illərini Paris monastırı olan "Couvent Sacré Coeur" məktəbində keçirib. Yay aylarında o, ailəsi ilə birlikdə Alp dağları ilə tanış olduğu İsveçrəyə gedirdi. Brevurt burda 39 yaşına qədər alpinizmlə məşğul olub.[3]
Brevurt əsasən Alp dağlarında keçirdiyi ekspedisiyalarla tanınır. Onun ən mühüm nailiyyətlərindən biri Aiquille du Dru (Fransa, 3754 m) zirvəsinə ilk qadın olaraq qalxması idi. Bu, dövrün kişi alpinistləri üçün belə olduqca çətin bir zirvə hesab olunurdu. O, həmçinin 1871-ci ildə Meije dağına (3984 m) uğurlu ekspedisiya təşkil etməyə cəhd etdi, lakin hava şəraiti səbəbindən zirvəyə tam çata bilmədi. Bununla belə, onun cəsarətli səyi qadınların alpinizmdəki yerini möhkəmləndirdi. 1876-cı ildə o, Dent Blanşe (4357 m) zirvəsinə qalxaraq, bu zirvəyə çatan ilk qadın alpinist oldu.[4][5]
Meta Brevurt 19 dekabr 1876-cı ildə qardaşı qızı ilə birlikdə yaşadığı İngiltərənin Dorkinq şəhərindəki evində vəfat edib. Onun ölümünə streptokok infeksiyası nəticəsində yaranan revmatik qızdırma səbəb olub.[6] Onun cəsədi Oksforda aparıldı və burada o, Müqəddəs Qəbiristanlıqdakı qəbirdə, bacısı xanım Kulidcin qəbrinin yanında dəfn edildi.[7]
- ↑ 1 2 3 4 Marguerite Claudia Brevoort // Find a Grave (ing.). 1996.
- ↑ http://www.stsepulchres.org.uk/notable/index.html.
- ↑ Fink, Caroline; Steinbach, Karin. Erste am Seil: Pionierinnen in Fels und Eis. Wenn Frauen in den Bergen ihren eigenen Weg gehen. Innsbruck: Tyrolia. 2013. ISBN 978-3-7022-3252-8.
- ↑ Paillon, Mary. "Annuaire du Club alpin français Ann. xxvi". Annuaire du Club alpin français (Ann. xxvi): 273–296.
- ↑ Fink, Caroline. "Ein Hundeleben für die Berg". Neue Zürcher Zeitung. 29 avqust 2014.
- ↑ Meta Brevoort's grave in St Sepulchre's Cemetery, Oxford.
- ↑ Mrs Elisabeth Neville Coolidge née Brevoort's grave in St Sepulchre's Cemetery, Oxford.
- Brown, Rebecca A. Women on High: pioneers of mountaineering. Boston: Appalachian Mountain Club. 2002. ISBN 9781929173136.
- Clark, Ronald. The Victorian Mountaineers. London: B. T. Batsford. 1953.