Muxtar Bahadur oğlu Babayev (16 oktyabr 1967, Bakı) — Azərbaycan Respublikası Prezidentinin iqlim məsələləri üzrə nümayəndəsi (2025-ci ildən), 2018–2025-ci illərdə Azərbaycan Respublikasının ekologiya və təbii sərvətlər naziri,[1] Azərbaycan Respublikasının Milli Məclisi IV və V çağırış deputatı, Azərbaycan Alpinizm Federasiyasının[2] və COP29-un prezidenti.
| Muxtar Babayev | |
|---|---|
 | |
Vəzifədədir | |
| 5 fevral 2025-ci ildən | |
| 23 aprel 2018 – 5 fevral 2025 | |
| Əvvəlki | Hüseynqulu Bağırov |
| Sonrakı | Rəşad İsmayılov |
Azərbaycan Alpinizm Federasiyasının prezidenti | |
Vəzifədədir | |
| 9 sentyabr 2022-ci ildən | |
| Əvvəlki | Nizami Mursaqulov |
| Sonrakı | Rəşad İsmayılov |
| 29 noyabr 2010 – 23 aprel 2018 | |
| Seçki dairəsi | IV və V çağırış — 43 saylı Sumqayıt |
| Şəxsi məlumatlar | |
| Doğum tarixi | 16 oktyabr 1967 (58 yaş) |
| Doğum yeri | |
| Partiya | |
| Təhsili | |
| Fəaliyyəti | nazir, siyasətçi |
|
|
|
| Təltifləri |
  |
 Vikianbarda əlaqəli mediafayllar | |
Muxtar Bahadur oğlu Babayev 1967-ci il, 16 oktyabr tarixində Bakı şəhərində anadan olub. 1984-cü ildə Bakı şəhərində orta məktəbi bitirmişdir.
1986–1988-ci illərdə hərbi xidmətdə olub. 1991-ci ildə Moskva Dövlət Universitetinin fəlsəfə fakültəsinin politologiya ixtisasını bitirib. 1994-cü ildə Azərbaycan Dövlət İqtisad Universitetinin Xarici iqtisadi əlaqələr ixtisasını bitirib.
2000-ci ildə Ümum-Rusiya Xarici Ticarət Akademiyasının "Dünya iqtisadiyyatı" ixtisasını bitirib.[1]
1991–1992-ci illərdə Azərbaycan Respublikasının Dövlət İqtisadiyyat və Planlaşdırma Komitəsində çalışıb.
1992–1993-cü illərdə Azərbaycan Respublikası Xarici İqtisadi Əlaqələr Nazirliyində işləyib. 1994–2003-cü illərdə SOCAR-ın Xarici İqtisadi Əlaqələr İdarəsində, 2003–2007-ci illərdə SOCAR-ın Marketinq və İqtisadi Əməliyyatlar İdarəsində çalışıb. 2007–2010-cu illərdə SOCAR-ın Ekologiya üzrə vitse-prezident vəzifəsində işləyib. 2010–2018-ci illərdə SOCAR-ın "Azərikimya" İstehsalat Birliyinin Müşahidə Şurasının sədri vəzifəsində çalışıb.
2010 və 2015-ci illərdə Azərbaycan Respublikası Milli Məclisinin IV və V çağırış deputatı seçilib. 7 dekabr 2010-cu ildə Milli Məclisin Təbii ehtiyatlar, energetika və ekologiya komitəsinin üzvü seçilib.[1]
2018-ci ilin aprelin 23-də Azərbaycan Respublikasının ekologiya və təbii sərvətlər naziri təyin edilib. və 5 fevral 2025-ci ilədək bu vəzifədə işləyib.[3] Prezidentin digər sərəncamı ilə həmin tarixdə Azərbaycan Respublikası Prezidentinin iqlim məsələləri üzrə nümayəndəsi təyin edilib.[4]
Yeni Azərbaycan Partiyasının üzvüdür.
2024-cü ilin yanvarın 7-də Azərbaycan Respublikası Prezidenti İlham Əliyevin sərəncamı ilə Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29), Kioto Protokolunun Tərəflər Görüşünün 19-cu sessiyasının və Paris Sazişinin Tərəflər Görüşünün 6-cı sessiyasının Prezidenti təyin olunub.[5]
- "Tərəqqi" medalı — 19 sentyabr 2012[6].
- "Şöhrət" ordeni — 7 noyabr 2017[7].
- 1 2 3 Muxtar Babayev — Azərbaycan Respublikasının Ekologiya və Təbii Sərvətlər nazirliyinin rəsmi veb saytı — 20 oktyabr, 2019-cu ildə arxivləşdirilib.
- ↑ "Muxtar Babayev: "Futboldakı təcrübəmi alpinizmdə tətbiq edəcəyəm"". 29 iyun 2023 tarixində arxivləşdirilib. İstifadə tarixi: 18 oktyabr 2022.
- ↑ M. B. Babayevin Azərbaycan Respublikasının ekologiya və təbii sərvətlər naziri vəzifəsindən azad edilməsi haqqında Azərbaycan Respublikası Prezidentinin Sərəncamı. İstifadə tarixi: 06.02.2025
- ↑ "M.B.Babayevin Azərbaycan Respublikası Prezidentinin iqlim məsələləri üzrə nümayəndəsi təyin edilməsi haqqında Azərbaycan Respublikası Prezidentinin Sərəncamı. İstifadə tarixi: 06.02.2025". 14 fevral 2025 tarixində arxivləşdirilib. İstifadə tarixi: 6 fevral 2025.
- ↑ "M.B.Babayevin Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29), Kioto Protokolunun Tərəflər Görüşünün 19-cu sessiyasının və Paris Sazişinin Tərəflər Görüşünün 6-cı sessiyasının Prezidenti müəyyən edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). 7 yanvar 2024 tarixində arxivləşdirilib. İstifadə tarixi: 7 yanvar 2024.
- ↑ "Azərbaycan Respublikasının neft sənayesi işçilərinin təltif edilməsi haqqında" Azərbaycan Respublikası Prezidentinin 19 sentyabr 2012-ci il tarixli 672 nömrəli Sərəncamı. — 3 aprel, 2018-ci ildə arxivləşdirilib.
- ↑ "Azərbaycan Respublikasının neft sənayesi işçilərinin təltif edilməsi haqqında" Azərbaycan Respublikası Prezidentinin 7 noyabr, 2017-ci il tarixli 3367 nömrəli Sərəncamı 13 oktyabr, 2018-ci ildə arxivləşdirilib.