Nikanor Pavloviç Tverdoxlebov (1842 – 1897; rus. Никанор Павлович Твердохлебов) — Rusiya memar-mühəndisi. Bakı şəhərinin memarı (1881-1884), Bakı quberniya memarı (1885-1892).[1][2]
| Nikanor Tverdoxlebov | |
|---|---|
| rus. Никанор Павлович Твердохлебов | |
| Şəxsi məlumatlar | |
| Doğum tarixi | 1842 |
| Vəfat tarixi | 1897 (54–55 yaşında) |
| Vətəndaşlığı | |
| Təhsili |
|
| İşləri və nailiyyətləri | |
| İşlədiyi şəhərlər | Bakı, Şamaxı, Astara |
1842-ci ildə anadan olub. 1859-cu ildə Kişinyov gimnaziyasını bitirdikdən sonra Sankt-Peterburq Mülki Mühəndislik Məktəbinə daxil olub və 1864-cü ildə "memar köməkçisi" adı və mülki xidmətin X sinfi rütbəsi ilə oranı bitirib.[1]
Təhsildən sonra Vilna quberniya kilsə-tikinti komitəsinə Lida qəzasında kilsələrin inşasına nəzarətçi təyin olunub və orada beş daş kilsə inşa edib.
1868-ci ildə memar, 1872-ci ildə isə mühəndis-memar rütbəsi alıb.
1868-ci ildə, Bakı quberniya idarəsinin tikinti şöbəsinə iş icraçısı vəzifəsinə köçürülüb. 1872–1880-ci illərdə Şamaxıda üç sinifli məktəb, Astarada karantin-gömrük məntəqəsi və İranla sərhəddə daş sərhəd postları tikib. 1880-ci ildə Bakıda, Mixaylovskaya və Nikolayevskaya (indiki Əziz Əliyev və İstiqlaliyyət küçələri) küçələrinin kəsişməsində Kələntərov pasajını (indiki Azərbaycan Həmkarlar İttifaqları Konfederasiyasının binası) inşa edib.[1]
1881–1884-cü illərdə Bakı şəhərinin memarı vəzifəsini tutub. 1885-ci il 18 oktyabrda Bakı quberniya memarı təyin olunub.
1883–1890-cı illərdə, quberniyanın müxtəlif tikililəri ilə yanaşı, Bakının yağış suları kanalizasiyasını, küçələrin planlaşdırılması və çınqıllarla döşənməsini həyata keçirib. Həmçinin memar Tomişkonun layihəsi üzrə Bakı həbsxana qalasını inşa etdirib.[1]
Bakı[1]
- Daş dükanlar – 1880
- Kələntərov pasajı – 1880
- Daş dükanlar – 1882
- Buxar dəyirmanının yenidən qurulması – 1883
- İkimərtəbəli yaşayış evi – 1883, İçərişəhər[3]
- Birmərtəbəli yaşayış evi – 1883, İçərişəhər
- İkimərtəbəli yaşayış evləri – bir neçəsi
- İkimərtəbəli yaşayış evinin fasadı – 1884
- Daş dükanlar – 1885
- Buxar un dəyirmanı – 1885
- İkimərtəbəli yaşayış evləri – 1885
- Karvansaranın ikinci mərtəbəsinin artırılması – 1885, Bazarnaya küçəsi
- İkimərtəbəli yaşayış evi – 1887
- Daş dükanlar – 1887, Krasnovodskaya küçəsi
- ↑ 1 2 3 4 5 "Твердохлебов Никанор Павлович – инженер-архитектор". OurBaku (rus). İstifadə tarixi: 24 sentyabr 2025.
- ↑ Fətullayev, 2013. səh. 291
- ↑ Fətullayev, 2013. səh. 60
- Fətullayev, Şamil. Bakı memarları XIX əsrin sonu - XX əsrin əvvəlində. Bakı: Şərq-Qərb. 2013. ISBN 978-9952-32-020-6.