Qreysi Mediqan Abrams (7 sentyabr 1999[1], Los-Anceles, Kaliforniya[2]) — ABŞ müğənnisi, mahnı yazarı. O, 66-cı Qremmi mükafatları mərasimində "Ən yaxşı yeni artist" kateqoriyası üzrə "Qremmi" mükafatına namizəd göstərilmişdir.
| Qreysi Abrams | |
|---|---|
| ing. Gracie Abrams | |
_(cropped).jpg) | |
| Ümumi məlumatlar | |
| Doğum adı | Gracie Madigan Abrams |
| Doğum tarixi | 7 sentyabr 1999[1] (26 yaş) |
| Doğum yeri | |
| Atası | Cey Cey Abrams |
| Musiqiçi məlumatları | |
| Fəaliyyəti | müğənni, müğənni-bəstəkar, mahnı yazarı[d] |
| Fəaliyyət illəri | 2019-cu ildən |
| Janr | bedrum pop[d] |
| Musiqi aləti | gitara |
| Albom şirkəti | Interscope Records |
| gracieabrams.com | |
 Vikianbarda əlaqəli mediafayllar | |
Qreysi Abrams 2019-cu ilin oktyabrında debüt sinqlı olan "Mean It" mahnısını Interscope Records vasitəsilə yayımlamışdır.[3] O, 2020-ci il iyulun 24-də "Minor" adlı debüt minialbomunu təqdim edib. Bu layihə üzərində prodüserlər Joel Little və Blake Slatkin ilə bərabər işləmişdir.[4][5]
O, 2023-cü ildə müğənni Oliviya Rodriqonun həyata keçirdiyi "Sour Tour" konsert turunun açılışında çıxış edib. Qreysinin həmin il çıxardığı debüt studiya albomu olan "Good Riddance" Billboard 200 hit-paradına daxil olub. Eyni il o, Teylor Sviftin "Eras Tour" konsertində "openinq akt" etmişdir. İkinci studiya albomu "The Secret of Us"-ı 2024-cü ilin iyunun 21-də yayımlayıb. Bu albom Billboard 200-də ikinci pilləyə çataraq uğurlu kommersiya nəticəsi göstərmişdir.
Qreysi Abrams Los-Ancelesdə doğulub boya-başa çatmışdır. O, rejissor C.C. Abrams və kino və televiziya prodüseri Keyti Makqratın qızıdır.[6][7] Ata tərəfi yəhudi, ana tərəfi İrlandiya katoliklərindədir.[8] Qreysinin iki qardaşı var, böyük qardaşının adı Henri, kiçik qardaşınınkı isə Auqustdur.[9][10]
O, mahnı yazmaqla hələ kiçik yaşlarından maraqlanmağa başlamış, ilk mahnısını səkkiz yaşında ikən yazmışdır.[11] O, orta təhsilini Qərbi Los-Ancelesdə yerləşən "The Archer School for Girls"-də alıb.[12] 2018-ci ildə bu məktəbi başa vurmuş və Nyu-Yorkdakı Barnard Kollecinə (Barnard College) qəbul olaraq beynəlxalq münasibətlər ixtisası üzrə təhsil almışdır. O, sonralar 2-ci kursda oxuyarkən təhsilini yarıda qoyaraq musiqi ilə məşğul olmaq qərarına gəlib.
Studiya albomları
- Good Riddance (2023)
- The Secret of Us (2024)
Mini-albomlar
- Minor (2020)
- This Is What It Feels Like (2021)
- ↑ 1 2 Gracie Abrams // Gracie Abrams - Universal Music France (fr.).
- ↑ 1 2 Catalog of the German National Library (alm.).
- ↑ Kato, Precious. "Gracie Abrams' "Mean It" Is a Heartbreaking Debut". Ones to Watch. 24 oktyabr 2019. 17 may 2021 tarixində arxivləşdirilib. İstifadə tarixi: 31 mart 2021.
- ↑ Cantor, Brian. "Gracie Abrams Releases Utterly Engaging, Undeniably Excellent New Song "21"". Headline Planet (ingilis). 20 fevral 2020. 17 mart 2023 tarixində arxivləşdirilib. İstifadə tarixi: 12 noyabr 2022.
- ↑ Graves, Shahlin. "Gracie Abrams to release 'Minor' on July 14". Coup de Main Magazine. 1 iyul 2020. 17 may 2021 tarixində arxivləşdirilib. İstifadə tarixi: 31 mart 2021.
- ↑ Sundberg, Emily. "Lorde-Approved Gracie Abrams Is Instagram's Favorite Songwriter". The Cut. 6 aprel 2018. 17 may 2021 tarixində arxivləşdirilib. İstifadə tarixi: 31 mart 2021.
- ↑ Ogunnaike, Nikki. "Gracie Abrams on Her Laid-Back Personal Style". Harper's Bazaar. 27 iyul 2022. 16 avqust 2022 tarixində arxivləşdirilib. İstifadə tarixi: 16 avqust 2022.
- ↑ Greenberg, Brad. "J.J. Abrams talks about 'Star Trek,' being Jewish and interfaith marriage". Jewish Journal. 7 may 2009. 20 noyabr 2022 tarixində arxivləşdirilib. İstifadə tarixi: 11 iyun 2021.
- ↑ "Katie McGrath". IMDb. 15 noyabr 2022 tarixində arxivləşdirilib. İstifadə tarixi: 15 noyabr 2022.
- ↑ "J.J. Abrams". IMDb. 24 avqust 2021 tarixində arxivləşdirilib. İstifadə tarixi: 16 avqust 2022.
- ↑ Ways, Curious. "Gracie Abrams is ready to bare it all to the world: "I'm writing my deepest, darkest feelings down on paper"". HUNGER TV (ingilis). 17 aprel 2023 tarixində arxivləşdirilib. İstifadə tarixi: 12 aprel 2023.
- ↑ Wood, Mikael. "Her famous dad's a fan. So is Phoebe Bridgers. But Gracie Abrams has a voice all her own". Los Angeles Times. 29 iyul 2020. 31 dekabr 2021 tarixində arxivləşdirilib. İstifadə tarixi: 31 mart 2021.