Rayan Qoslinq

Rayan Tomas Qoslinq London, Ontarioda anadan olub.^[3] Onun atası, Tomas Rey Qoslinq kağız istehsal edən kombinatın kommivoyajeri qismində çalışırdı,^[4] anası Donna Qoslinq isə 2011-ci ildən məktəbdə müəllim qismində kvalifikasiya olunmuş katibədir.^[5][6] Onun atası Kanadalı-fransızdır.^[7][8] Qoslinqin valideynləri dini baxımdan mormon idilər^[9] və Rayanın dediyinə görə, bu dini inanc hər bir aspektdən onun həyatına təsir göstərib.^[10] Atasının işinə görə onlar tez-tez başqa yerlərə köçürdülər^[4] və buna görə də Rayan Kornuollda^[11] və Börlinqtonda yaşayırdı.^[12] O hələ uşaq olarkən onun valideynləri boşanırlar və Rayan öz bacısı Mendi ilə anası ilə yaşayırdılar.^[5]

Ailə: atası Tomas Qoslinq (ing. Thomas Gosling), anası Donna Qoslinq (ing. Donna Gosling), bacısı Mendi Qoslinq (ing. Mandi Gosling). Rayan təhsilini Börlinqtonda yerləşən Lester B Pearson High School və Kornuol Gladstone Public School'da almışdı. Sevdiyi musiqiçi — Çet Beykerdir. Sevdiyi yemək — kalmarlardan hazırlanmış bütün xörəklər. Sevdiyi rəng — göy. Sevdiyi film — Steynbekin eyniadlı romanı əsasında ekranizasiya olunmuş «Cənnətdən şərgdə» (ing. East of Eden) adlı filmdir^[13].

2008-ci ildə Qoslinq Barak Obamanın prezident kampaniyasını dəstəkləmişdi.

Ev heyvanları: Rayanın itlərin saxlandığı müəssisədə öldürülməkdən xilas etdiyi, Corc adında köpəyi və 2 pişiyi var. Qoslinqin evləri Torontoda və Los-Ancelesdə yerləşir.

(2002—2003-cü illərdə) Sandra Bullok ilə görüşürdü^[14], o həmçinin Famke Yanssen (2007—2008) və Ceymi Mürrey (2009—2010) ilə də görüşürdü^[15]. Hazırda Rayan aktrisa Yeva Mendeslə əlaqədədir.^[16][17]

Rayanın bədənində bir neçə tatuirovka da var^[18][19].

Rayan Zak Şilds ilə, onların Makadms bacıları ilə görüşdüyü zaman (Zak Keylin ilə görüşürdü) tanış olmuşdu. İlk öncə oğlanlar bir-birini xoşlamırdılar, lakin hər ikisinin hər növ zombi, bədheybət, gülyabanilərlə maraqlandığını bildikdən sonra, onlar özlərinin ümumi ideyalarını həyata keçirilməsi məqsədilə birgə layihə yaratmaq qərarına gəldilər. 2008-ci ilin dekabr ayında onlar «In The Room Where You Sleep» adlı albom və mahnıya videoklip buraxırlar.^[20] Onlar Silverlake uşaq xor konservatoriyası ilə birgə debyut albom yazırlar, Rayan özü bir sıra musiqi alətlərində çalmağı öyrənir. Qoslinq fortepiano, gitara, bas-gitara və violonçeldə çalmağı öyrənir.^[21] Albom 6 oktyabr 2009-cu ildə ANTI- Records şirkətilə buraxılmışdı.^[22] Pitchfork Media albomun "yaddaqalan, unikal"^[23], Prefix isə əksinə, albomun "yersiz kitç və vulqar" olduğunu qeyd etdilər.^[24]

• In The Room Where You Sleep (2008)
• Name In Stone (2009)

• 2004-cü ildə o People jurnalına əsasən ilk «50 ən seksual subay aktyor» adına layiq görülmüşdü.
• Rayan Beverli-Hillzdə yerləşən «Tagine» adlı Mərakeş mətbəxi restoranın sahibidir.
• Rayan gitara və fortepianoda çala bilir.^[25]
• Uşaqlıqda Qoslinq Mikki Maus klubunun üzvü idi (The Mickey Mouse Club), və bu klubda ondan başqa Britni Spirs, Kristina Aqilera və Castin Timberleyk kimi müasir məşhurlar da var idi.^[26]

Qoslinq müxtəlif sosial kompaniyalarda həmişə yardımçı olur. O həmçinin KFC və McDonalds şirkətlərin ətlik quşların kəsilməsinin təkmilləşdirilmiş üsullarla istifadəyə təşviqi və fermalarda çalışan işçilər tərəfindən süd qətirən inəklərin buynuzlarının kəsilməməsi məqsədilə PETA ilə əməkdaşlıq etmişdir.^[27][28][29] Qoslinq 2005-ci ildə Mississipidə baş vermiş Katrina qasırğasından sonrakı təmizləmə işlərinə volontyor qismində qatılmışdı.^[30] 2005-ci ildə Rayan Çadda yerləşən Darfur qaçqın düşərgələrinə səfər etmişdi.^[31]. O 2008-ci ildə Campus Progressin düzənlədiyi Milli Konfransda Darfur haqqda məruzəçi qismində çıxış etmişdi.^[32] Bu proekt çərçivəsində Rayan 2007-ci ildə Uqandanı^[33], 2010-cu ildə isə Şərgi Konqonu ziyarət etmişdi.^[34]

• 2009: Dead Man's Bones

• 2011: "You Always Hurt the Ones You Love" – Blue Valentine: Original Motion Picture Soundtrack

• Rayan Qoslinq — IMDb səhifəsi
• Biografie von Ryan Gosling Arxivləşdirilib 2013-09-10 at the Wayback Machine
• Porträt Arxivləşdirilib 2012-05-25 at the Wayback Machine auf film-zeit.de
• Ryan Gosling comprehensive profile Arxivləşdirilib 2011-02-11 at the Wayback Machine
• Northern Stars Arxivləşdirilib 2012-11-15 at the Wayback Machine
• Half Nelson Interview
• "Whoa Canada, Oscar gives nod to the north"
• "The Mouseketeer that roared"^{[ölü keçid]}