Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinRemiz consobrinus — Sərçəkimilər fəsiləsinə aid quş növü.
| Remiz consobrinus | ||||||||
|---|---|---|---|---|---|---|---|---|
 | ||||||||
| Elmi təsnifat | ||||||||
|
XƏTA: parent və rang parametrlərini doldurmaq lazımdır. ???: Remiz consobrinus |
||||||||
| Beynəlxalq elmi adı | ||||||||
| ||||||||
Remiz consobrinus ilk dəfə 1870-ci ildə Robert Svino tərəfindən təsvir edilmişdir. Mancuriyaya endemikdir. "Remizidae" fəsiləsində 10 növ var. Onlar fərqli növlərə bənzəyir, lakin xarakterik asma yuvalar qururlar. Açıq sahələrdə və su-bataqlıq ərazilərində yaşayırlar. Dimdiklərinin ucları itidir və erkək və dişi fərdlər görünüş etibarilə oxşardır.
Quşların uzunluğu 11 sm-dir. Kiçik, açıq rəngli quşlardır, nazik uclu dimdikləri var və tez-tez 10–20 fərddən ibarət qruplarda rast gəlinir.
- Erkək: Boz rəngli baş və ensə. Alnından başlayan qara üzü ağ kənarlıdır. Şabalıdı rəngli bel, yarım yaxalıq və qanad örtükləri uçuş zamanı tünd qanadlar və qara quyruqla ziddiyyət təşkil edir. Ağ alt hissələr qəhvəyi ləkələrlə işarələnmişdir.
- Dişi: Üzü qəhvəyi rəngdədir. Üst hissələri daha qəhvəyi rəngdədir və şabalıdı rəng yoxdur.
Remiz consobrinus xüsusilə Mancuriyada qamışlıqlarda və bataqlıqlarda rast gəlinir. Qışı Şərqi Asiyada (Xüsusilə Yanszı çayı vadisi boyunca) seyrək halda keçirir. Çoxalma və qışlama dövrlərində kənd təsərrüfatı otlaqları, bataqlıqlı və ya şor sulu sahələrdə yaşayır. Tez-tez 10–20 fərddən ibarət qruplarda rast gəlinir. Qışı Çinin cənubunda keçirir. Çin asmaquşu həşəratlarla qidalanır. Həşəratlar, sürfələr, hörümçəklər, tırtıllar və bəzən, xüsusilə qışda, kiçik toxumlarla qidalanır. Quş akrobatik dırmaşma qabiliyyətinə malikdir, bir ayaq üstündə asılı qala bilir və digər ayağı ilə qidasını tuta bilir.[3]
Erkək fərd 3–15 metr hündürlükdə olan ağacı seçir ki, yuva orada qurulsun. Remiz consobrinusun yuvası memarlıq möcüzəsidir. Armud şəkilli bir çanta görünüşündədir. Yuva boruşəkilli bir əlavə ilə uzadılır və yan giriş təqdim edir. Dişi fərd yuvanın içərisini tərtib etdikdən sonra adətən 5–10 yumurta qoyur və yumurtaları tək başına 12–15 gün müddətində qoruyur. Balalar uçmağa başladıqdan sonra yuva deformasiyaya uğrayır və qismən dağılır. Onlar 15–20 gün müddətində yatmaq üçün yuvanı ziyarət edir, sonra isə ərazini tərk edirlər.[4]
Bu növ kifayət qədər geniş yayılmışdır və Beynəlxalq Təbiəti Mühafizə Birliyi (IUCN) Remiz consobrinusu "az qayğı tələb edən" kimi qiymətləndirib.[5]
- ↑ Integrated Taxonomic Information System (ing.). 1999.
- ↑ IOC World Bird List Version 6.3. 2016. doi:10.14344/IOC.ML.6.3
- ↑ "Chinese Penduline-tit". iucnredlist. 12 iyul 2019 tarixində arxivləşdirilib.
- ↑ "Rémiz de Chine". aerien. 24 noyabr 2021 tarixində arxivləşdirilib.
- ↑ BirdLife International. "Remiz consobrinus". IUCN Red List of Threatened Species. 2017. 2017: e.T22711632A118699812. doi:10.2305/IUCN.UK.2017-3.RLTS.T22711632A118699812.en. İstifadə tarixi: 11 noyabr 2021.