Suede (ABŞ-də "London Suede" adı ilə məşhurdur) — 1989-cu ildə Londonda təşkil edilmiş rok qrupu. Təsisçiləri vokalçı Brett Anderson, gitaraçı Castin Frişmann və basçı Met Osmandır. 1992-ci ildə "Melody Maker" nəşri qrupu "Britaniyanın ən yaxşı yeni qrupu" adlandırıb. 1993-cü ildə buraxılan ilk albomu Britaniya musiqi hit-paradında birinci yerə yüksəlib. Albom "Merkuri" mükafatına layiq görülüb. Qrup Britpop cərəyanının formalaşmasına təsir göstərsə də, özünü bu təsnifatdan kənar tutub.
.png){kind=small} | |
|---|---|
 | |
| Əsas məlumatlar | |
| Üslub | |
| Fəaliyyət illəri |
|
| Ölkə |
 İngiltərə |
| Şəhər | London |
| Leybl | |
| Heyət |
Brett Anderson Met Osman Saymon Gilbert Riçard Ouks Nil Kodlinq |
| Keçmiş üzvlər |
Castin Frişmann Castin Velş Bernard Batler Aleks Li |
| Əlaqəli layihələr | The Tears[ing.] |
| suede.co.uk — rəsmi saytı | |
 Vikianbarda əlaqəli mediafayllar | |
İkinci albomun ("Dog Man Star") yazılışı zamanı qrupda fikir ayrılıqları yaranıb. Gitaraçı və musiqiçi Bernard Batler digər üzvlərlə anlaşmazlıqdan sonra qrupu tərk edib. Riçard Ouks adlı gitaraçı və musiqiçi qrupa qoşulub, konsert turnesi öncəsi tərkibə daxil edilib. Albom kommersiya baxımından gözlənilən nəticəni verməsə də, tənqidçilər tərəfindən müsbət dəyərləndirilib və rok musiqisinin əhəmiyyətli nümunələrindən biri sayılır. 1994-cü ildə "Suede" qrupu "Oasis", "Blur" və "Pulp" ilə birgə Britpop janrının dörd əsas nümayəndəsindən biri hesab olunub.[1]
"Suede" qrupu 1996-cı ildə Nil Kodlinqi klavişçi götürüb "Coming Up" albomunu buraxıb. Bu albom Birləşmiş Krallıqda birinci yerə qalxıb və qrupun ən çox satılan albomu olub. Növbəti "Head Music" albomu (1999) da Britaniya hit-paradlarında birinci olub. 2001-ci ildə N. Kodlinq xəstəliyi səbəbindən qrupdan çıxıb, yerinə Aleks Li gəlib. 2002-ci ildə "A New Morning" albomu uğursuz olduğundan qrup 2003-cü ildə dağılıb. B. Anderson 2004-cü ildə B. Batler ilə "The Tears" qrupunu yaradıb, 2006-cı ildə solo çıxış etməyə başlayıb.
"Suede" 2010-cu ildə konsert fəaliyyətinə qayıdıb. 2013-cü ildə "Bloodsports" adlı altıncı studiya albomunu təqdim edib və albom Britaniya musiqi hit-paradında onluğa düşüb. 2016-cı ildə "Night Thoughts" albomu işıq üzü görüb. 2018-ci ildə "The Blue Hour" albomunu buraxıb və bu material "Head Music"dən sonra qrupun ilk beşliyə daxil olan albomuna çevrilib. 2022-ci ildə "Autofiction", 2025-ci ildə isə "Antidepressants" albomları dinləyicilərə təqdim edilib.
Studiya albomları
- Suede (1993)
- Dog Man Star (1994)
- Coming Up (1996)
- Head Music (1999)
- A New Morning (2002)
- Bloodsports (2013)
- Night Thoughts (2016)
- The Blue Hour (2018)
- Autofiction (2022)
- Antidepressants (2025)
- ↑ Hann, Michael. "Suede – review". The Guardian. 25 avqust 2013. 16 iyun 2018 tarixində arxivləşdirilib. İstifadə tarixi: 4 may 2016.
- suede.co.uk — rəsmi saytı
- Suede — Discogs diskoqrafiyası