Tallin Universiteti (est. Tallinna Ülikool – TLÜ) — Estoniyanın paytaxtı Tallin şəhərində yerləşən ali təhsil müəssisəsi; ölkənin üç ən qabaqcıl ali təhsil ocaqlarından biridir.
| Tallin Universiteti | |
|---|---|
 | |
| Tip | dövlət universiteti |
| Əsası qoyulub | 18 mart 2005 |
| Rektor | Tiyt Land |
| Tələbə sayı | 10,016 (2014) |
| Müəllim sayı | 1,200 |
| Ölkə | Estoniya |
| Şəhər | Tallin |
| Ünvan | Estoniya, Tallin, Narva mnt 25, 10120 Tallinn |
| Sayt | tlu.ee |
 Vikianbarda əlaqəli mediafayllar | |
Tallin Universiteti 18 mart 2005-ci ildə bir sıra ali məktəb və araşdırma institutunun birləşməsi nəticəsində yaradılmışdır. Həmin qurumlar bunlar idi:
- Estoniya Akademik Kitabxanası (1946);
- Baltik Film və Media Məktəbi (1992/1997);
- Estoniya Humanitar İnstitutu (1988);
- Tarix İnstitutu (1946);
- Tallin Pedaqoji Universiteti (1919/1952/1992).
Hazırda ölkənin ən sürətli böyüyən universiteti olmaqla sosial elmlər və bəşəri elmlərdə yüksək, fənn və təbiət elmlərində isə sürətlə inkişaf edən ali məktəbdir.
Universitetin zəngin kitabxana fondu var. Əsas kitabxanası 1946-cı ilin aprel ayında Estoniya SSR Elmlər Akademiyasının Mərkəzi Kitabxanası kimi fəaliyyətə başlamışdır. 2003-cü ildən milli kitabxana statusu daşımışdır. Əsas kitabxanası 2005-ci ildən – Tallin Universitetinin yaradılmasından sonra belə adlanır: Tallin Universitetinin Akademik Kitabxanası[1].
Kitabxana fondu 2,5 milyon nüsxədən ibarətdir. Ən qədim kolleksiyası XVI əsrə aiddir.
Universitetin ilk rektoru Mati Heydmets olmuşdur. 2011-ci ilin fevral ayında bu vəzifəyə Tiyt Land seçilmişdir.
Akademik kitabxanası
- ↑ Tallinna Ülikooli Akadeemiline Raamatukogu Arxivləşdirilib 2016-04-16 at the Wayback Machine. tlulib.ee (est.)
- ↑ "Campus". 13 iyun 2016 tarixində orijinalından arxivləşdirilib. İstifadə tarixi: 17 mart 2015.
- tlu.ee — rəsmi saytı