Tarantella

Bu məqaləni vikiləşdirmək lazımdır. Lütfən, məqaləni ümumvikipediya və qaydalarına uyğun şəkildə tərtib edin.

Tarantella — italyan xalq rəqsi. Gitara, tambura və kastanet ilə müşayiət olunur. Musiqi ölçüsü — 6/8, 3/8.

Tarantellanın tarixi ilə bağlı çoxlu əfsanələr var. XV əsrdən başlayaraq ikiyüzillik tarixdə tarantella "tarantizm" — tarantula hörümçəyinin dişləməsi nəticəsində yaranmış dəlilik xəstəliyinin yeganə müalicəsi sayılırdı. Bu həmçinin, İtaliyanın cənub şəhəri Tarantonun adı ilə bağlıdır.

Mənşəyi orta əsrlərdə əzələ qıcolmalarında və başqa epidemiyalar nəticəsində müqəddəs Vit və müqəddəs İoan rəqsləri adı ilə İtaliyada məşhur olan tarantella rəqsidir. Bununla əlaqədar XVI əsrdə İtaliyada xüsusi gəzən orkestrlər yaradilmişdı ki, bu orkestrlərin müşayiəti altında tarantizmdən əziyyət çəkən xəstələr rəqs edirdilər. Adətən, tarantella musiqisi improvizə olunaraq ifa edilirdi. Tarantellanın əsasını hansısa hava və ya ritmik fiqur təşkil edirdi, bu hərəkətlərin dönə-dönə təkrarlanması tamaşaçılara və rəqs edənlərə ovsunlayıcı, hipnotik təsir bağışlayırdı.

Tarantellanın xoreoqrafiyası ekstaz halına çatmaq, rəqsdən cuşa gəlməklə fərqlənirdi. Fədakar rəqqasların rəqsi saatlarla davam edə bilərdi. Müşayiəti fleyta, kastanet, dəf və başqa zərb alətləri ilə edirdilər.

Balet səhnəsində tarantella Kazimir Jidin "Tarantul" baleti (1839) sayəsində populyarlıq qazandı.

Balet Paris operasında məxsusi olaraq Fanni Elsler üçün təşkil olunmusdu. 1964-cü ildə xoreoqraf Corc Balançin məşhur Qotşalkın tarantella musiqisinə pa-de-de baletini tamaşaya qoymuşdu.

• Итальянская культура: тарантелла (ing.)
• Pizzica — Raccolta di canti popolari (ital.)
• Pagina dedicata alla Tarantella del Gargano Arxivləşdirilib 2007-06-30 at the Wayback Machine (ital.)
• Статья о тарантелле