The Life of a Showgirl (azərb. Şougörlün həyatı) — ABŞ müğənnisi və musiqi müəllifi Teylor Sviftin on ikinci musiqi albomu. Albom, 3 oktyabr 2025-ci ildə Republic Records leyblı tərəfindən yayımlanmışdır. Teylor, albomu, "The Eras" turunun 2024-cü ildə baş tutan Avropa hissəsində, artist həyatından ilhamlanaraq yaratmışdır. Müğənni, bu albomu, daha əvvəlki albomu olan "The Tortured Poets Department"in qaranlıq lirikasından uzaqlaşan parlaq və canlı layihə adlandırır.
| The Life of a Showgirl | ||||
|---|---|---|---|---|
 Standart albom nəşrinin üz qabığı | ||||
| Teylor Svift tərəfindən ifa olunmuş studiya albomu | ||||
| Yayımlanma tarixi | 3 oktyabr 2025 | |||
| Yazılma tarixi | 2024 | |||
| Janr |
Pop soft-rok |
|||
| Müddət | 41:40 | |||
| Dil | ingiliscə | |||
| Leybl | Republic Records | |||
| Prodüser |
Maks Martin Shellback Teylor Svift |
|||
| Teylor Svift albomlarının xronologiyası | ||||
|
||||
2017-ci ildə çıxarılmış "Reputation " albomundan sonra, Svift ilk dəfə bu albomu prodüsserlər Maks Martin və Shellback ilə birlikdə İsveçdə yazmışdır. Alboma, onunla eyni vaxtda çıxarılmış əsas sinql - "The Fate of Ophelia" da daxil olmaqla, 12 mahnı daxildir. Alboma daxil olan və onunla eyni adı daşıyan mahnını Teylor Svift, Sabrina Karpenterlə duet şəklində ifa etmişdir. Albom üçün Mert və Markus fotodueti tərəfindən çəkilən Svift, şougörllərin həyatından ilhamlanan provokativ mövzu seçmişdir və bu çəkiliş müxbirlər tərəfindən onun yaradıcılığının ən qlamur və parlaq vizual estetikası kimi qiymətləndirilmişdir.
"The Life of a Showgirl" albomu, 13 avqust 2025-ci ildə partnyoru Trevis Kelsi ilə birlikdə "New Heights" podkastında elan edilmişdir. Albomun təqdimatı və ona həsr edilmiş "The Official Release Party of a Showgirl" filminin 100-dən artıq ölkədə limitli çıxışı 3 oktyabr 2025-ci ildə baş tutmuşdur.