"TouchArcade" — ABŞ videooyun veb saytı.
| TouchArcade | |
|---|---|
| URL | toucharcade.com |
| i | ingilis dili |
| Bağlanma tarixi | 16 sentyabr 2024[1][2] |
| Alexa reytinqi |
|
"TouchArcade" 2008-ci ildə[4] "Apple" ilə bağlı "MacRumors" məhsul saytının müəllifi Arnold Kim tərəfindən təsis edilmişdir.[5] Saytın məzmununun əsas mövzusu mobil cihazlar və portativ oyun sistemləri üçün videooyunlardır. Saytın nəzərdən keçirdiyi əsas platforma "iOS"dir. Bununla belə, "TouchArcade" saytı "Android" və "Nintendo Switch" kimi digər platformalar üçün videooyun resenziyaları və xəbərləri dərc edir. Bundan əlavə, sayt podkast hazırlayır.[6]
"CNET" saytı "TouchArcade"i altıncı ən yaxşı videooyun bloqu adlandırmış,[7] "Time" jurnalı isə özünün tərtib etdiyi internetdəki ən yaxşı əlli sayt siyahısına əlavə etmişdir.[6]
2015-ci ildə sayt kraudfundinq platforması vasitəsilə vəsait toplama platformasını işə salmışdır. Saytın müəllifləriə görə, buna səbəb videooyun istehsalçılarının videooyun saytlarından daha az reklam sifariş etməsi və daha çox proqramdaxili reklamlara güvənməsi olmuşdur. "The Guardian" qeyd etmişdir ki, "TouchArcade" kraudfandinqə müraciət edən ilk müstəqil jurnalistika saytı deyil.[8] Torluf Yernström "Pocket Gamer" üçün bir məqalədə "TouchArcade"in yaşadığı maliyyə çətinliklərinin saytın populyarlığı artan "free-to-play" videooyunlara tamamilə məhəl qoymaması ilə əlaqədar olduğunu əlavə etmişdir.[9]
- ↑ Nelson J. TouchArcade is Shutting Down (ing.). // TouchArcade 2024.
- ↑ Пи Л. Сайт мобильных игр TouchArcade закрывается (ing.). // Игромания 2024. ISSN 1560-2583
- ↑ Alexa Internet (ing.). 1996.
- ↑ Eli Hodapp. "TouchArcade Needs Your Help, Please Support Our Patreon". TouchArcade (ingilis). 23 iyun 2015. 4 dekabr 2020 tarixində arxivləşdirilib. İstifadə tarixi: 19 oktyabr 2021.
- ↑ Dan Frommer. "Nephrologist To Mac Blogger: The Unlikely Career Path Of MacRumors' Arnold Kim". Insider (ingilis). 16 avqust 2008. 20 oktyabr 2021 tarixində arxivləşdirilib. İstifadə tarixi: 19 oktyabr 2021.
- ↑ 1 2 Harry McCracken. "Touch Arcade". Time (ingilis). 16 avqust 2011. 21 aprel 2021 tarixində arxivləşdirilib. İstifadə tarixi: 19 oktyabr 2021.
- ↑ Stuart Dredge. "Top ten gaming blogs". CNET (ingilis). 6 noyabr 2009. 20 oktyabr 2021 tarixində arxivləşdirilib. İstifadə tarixi: 19 oktyabr 2021.
- ↑ Stuart Dredge. "TouchArcade Patreon raises wider issues of online journalism economics". The Guardian (ingilis). 24 iyun 2015. 20 avqust 2020 tarixində arxivləşdirilib. İstifadə tarixi: 19 oktyabr 2021.
- ↑ Torulf Jernström. "Can premium mobile games make a comeback?". Pocket Gamer (ingilis). 25 noyabr 2015. 4 dekabr 2020 tarixində arxivləşdirilib. İstifadə tarixi: 19 oktyabr 2021.